Arolwg Buddion Cymunedol Cynigion ar gyfer Is-orsaf Llandyfaelog

Dylai cymunedau elwa o gynnal seilwaith trawsyrru trydan newydd. Er mwyn ein helpu i ddarparu rhaglenni budd cymunedol sy’n gweithio i’ch ardal chi, rydyn ni’n awyddus i glywed eich barn. Rydyn ni eisiau deall beth sy’n bwysig i chi, a lle gallai cronfeydd budd cymunedol sicrhau manteision tymor hir, gan gynnwys drwy gynlluniau grant cymunedol a buddsoddi mewn grwpiau cymunedol neu drwy bartneriaethau rhanbarthol.

Mae’r ffordd rydyn ni’n darparu cyllid budd cymunedol yn seiliedig ar ganllawiau’r llywodraeth a gyhoeddwyd ym mis Mawrth 2025. Mae’r canllawiau hyn yn nodi’r mathau o brosiectau seilwaith a ddylai ddarparu cronfeydd budd cymunedol, a lefel y cyllid a ddylai fod ar gael. Mae hyn yn seiliedig ar y canlynol: 

• £530,000 ar gyfer is-orsafoedd newydd, gorsafoedd trawsnewid a gorsafoedd newid
• £200,000 y cilomedr o linell uwchben newydd*

Bydd yr ymatebion i’r arolwg hwn yn ein helpu i ddeall blaenoriaethau’r gymuned leol. Bydd yn rhan o gyfres o ymgysylltu â chymunedau a rhanddeiliaid wrth i ni ddatblygu ein cynlluniau ar gyfer budd cymunedol sy’n gysylltiedig ag Is-orsaf Llandyfaelog.

Bwriad penodol y ffurflen hon yw deall safbwyntiau ar fuddion cymunedol. Peidiwch â defnyddio’r ffurflen hon i roi adborth ar Is-orsaf Llandyfaelog nac unrhyw gynigion eraill ar gyfer prosiect y National Grid. Nid ydym yn gofyn am farn ar gynigion arfaethedig y llywodraeth ar gyfer gostyngiadau mewn biliau ynni.

Nid yw’r ddeddfwriaeth y mae’r llywodraeth yn bwriadu ei chyflwyno i ostwng biliau ynni wedi’i sefydlu eto. Felly, dim ond ar gronfeydd cymunedol y mae’r ymgynghoriad hwn yn canolbwyntio arno, yn unol â’r canllawiau presennol.